2022ko otsailaren 25etik martxoaren 25era, BilbaoArteko Urazurrutia Aretoak «El otro lado del jardín» izeneko urteko bigarren banakako erakusketaren ateak irekiko ditu, Gin Ro artista mexikarraren obrarekin, zentroan 2021ean bekaduna izan zena.
Erakusketa otsailaren 25ean irekiko da, 19:00etan. Bisita-ordutegia astelehenetik ostiralera izango da, 17:30etik 20:30era, eta sarrera librea izango da, edukiera mugatuarekin. Martxoaren 25ean, 19: 00etan, amaiera ekitaldia egingo da, eta artistak erakusketaren katalogoa aurkeztuko du.
El otro lado del jardín
“Vine de lejos para encontrarme con el otrx,
en el proceso me di cuenta que aquí soy la otra,
Para orientarme me busque un Jardín y una imagen,
Se dice que: antes se tenía un gran culto a las flores“
Artxiboen gurutzaketa komunean duten prozesu artistikoak uztartzen dituen instalazioa da, Espainiako Erresumak Abya Yalara (Amerika) egindako lehen espedizioetatik hasi eta Madrilgo Lorategi Botanikoan dauden latinoamerikatik lekualdatu diren pertsonen eta landareen artxiboraino, beste aldetik begiratzeko.
“En lo oscuro busco
estas otras historias
que hablan de nosotras las otrxs”
Gin Ro −Georgina Rodríguez Ayala− (Mexiko Hiria, 1986).
Diseinatzaile industriala (UAM-X). 2014tik, argazkigintzaren azterketa teknikoan eta kontzeptualean sakondu du. 2017an, ohorezko aipamena jaso zuen Roberto Villagraz Bekan (EFTI, Madril), eta horrekin egin zuen EFTIren Argazkigintza Garaikideko eta Belaunaldiko Proiektu Pertsonaletako Masterra (2017-2018). Gaur egun, Arte Bisualetako Maisutza ikasten ari da, Argazkigintzako espezialitatearekin, UNAMen (Mexiko).
Bere lanaren gai nagusia identitatearen aldatzea da, hainbat prozesu sozial, ekonomiko eta historikotan oinarrituta, hala nola kolonialtasunean eta globalizazioan.
Gaur egun Bilbon bizi da eta bertan egiten du lan, argazkigintzarekin beste komunikabide batzuetatik esperimentatzen ari delarik, hala nola mugimenduan dagoen iruditik eta instalaziotik.
