Como ropa de verano [Udako arropa bezala] (2023)
Eskaiolaz, erle-argizariz eta sare metalikoz egindako eskultura
Dimentsio aldakorrak
BilbaoArte Bilduma
Erregistro zk: 2023.566.1
Bere praktika artistikoaren abiapuntua bere ingurune hurbilaren eta paisaiaren behaketa da; bertan, bere figurazioaren hurbilpen sentikor eta materikoa egiten saiatzen da, gero irudi eta objektuetan islatzeko. Bere prozesu eskultorikoan, ahaleginak egiten ditu honako gai hauei heltzeko: forma eta espazioa, ingurua eta kolorea, egitura eta antolaketa.
Udako arropa bezala BilbaoArten izandako egonaldian egindako obra bat da, geroago “Buru baten inguruan” erakusketan sartu zena. Proiektu horretan, artistak buru edo bustoaren elementutik abiatzen da, eta baita aldaeraren ideiatik ere, eta kontzeptu horiekin pieza multzo bat gauzatzen du. Forma berberak beti oinarri gisa erabiliz, alegia, maniki baten burua edo bolak, eta geruzaz geruza lan eginez, konbinazio desberdinak gauzatzen ditu. Pieza horiei heltzeko duen forma materialak aurrez aurre jartzea da, naturala eta jariakorra dena industriala eta higiezina denaren aurrean jarriz.
Claudia Rebeca Lorenzok (Logroño, 1995) Ikerketa eta Sormena Artean Masterra ikasi zuen (UPV/EHU), eta 2022an egonaldi bat egin zuen BilbaoArten. Arte esperimentaleko Kalostra eskolan parte hartu du (Donostia), eta baita Paul B. Preciadok zuzendutako MACBAren Ikasketa Independenteen Programan ere (Bartzelona). 2020an egoiliarra izan zen Villavergerien (Huesca), eta 2019an Tabakaleran (Donostia). Bere azken erakusketen artean honako hauek azpimarratu behar dira: Pala de plata, Amadís Aretoa, Madril; Generaciones 2020, La Casa Encendida, Madril; BI, DOS, TWO, Azkuna Zentroa, Bilbo; Perro dormido.IRJ, Logroño, Cabeza frente Cabeza, Salón, Madril; Pliegue, Okela, Bilbo; NETA INU NI, Ariz Dorrea, Basauri; Call 2017 eta Luis Adelantado, Valentzia.